പ്രകൃതി

 പ്രഭാതത്തിൻ ജനനം കണ്ടവനാരാണ്

പകലിൻ്റെ മയക്കം കണ്ടവനാര്
സന്ധ്യയുടെ കണ്ണീരു കണ്ടവനാര്
ഇരവിൻ്റെ ഏകാഗ്രതയറിഞ്ഞവനാര്
കൂമൻ്റെ പാട്ടുകേട്ടവനാര്
ചകോരത്തിൻ്റെ കൂടോ
കുഞ്ഞിനെയോ കണ്ടവനാര്
മത്സും മുട്ടയിൽ അടയിരിക്കുന്നത് കണ്ടവനാര്
കുഴിയാനയുടെ പേറെടുത്തവനാര്
പൊരുന്നക്കോഴിയുടെ ചൂടറിഞ്ഞവനാര്
ഉറുമ്പിൻ്റെ ഉറക്കം കണ്ടവനാര്
മന്ദമാരുതൻ്റെ പുഞ്ചിരികണ്ടവനാര്
പാമ്പ് പൊഴിക്കുന്നത് കണ്ടവനാര്
മിന്നാമിനുങ്ങ് ചാർജുചെയ്യുന്നയിടം കണ്ടവനാര്
ഓന്തു നിറം മാറുന്നത് കണ്ടവനാര്
മണ്ണിരയുടെ എക്സ്റേ കണ്ടവനാര്
എല്ലാം കണ്ടു അറിഞ്ഞു
പക്ഷേ, ഒന്നും കണ്ടില്ല... കേട്ടില്ല...