"അമ്മ"
രണ്ടക്ഷരത്തിൽ എന്തൊക്കെയാണല്ലേ ഒളിഞ്ഞിരിക്കുന്നത്.....
എന്തൊക്കെയാണവൾ ഹൃദയത്തിൽ സംഗ്രഹിച്ച് അവസാനിപ്പിക്കാറുള്ളത്.........
ഏതെല്ലാം സ്വപ്നങ്ങളാണ് ഇനിയും കണ്ടു തീരാനുള്ളത്........
ഏതെല്ലാം ആഗ്രഹങ്ങളാണ് ഇനിയും സഫലമാകാനുള്ളത്.........
ഒറ്റയ്ക്കിരിക്കുമ്പോൾ എന്തൊക്കെയാവും പറഞ്ഞു തീർക്കാറുള്ളത്.........
അവളുടെ സന്തോഷങ്ങളുടെ ആയുസിന് ദൈർഘ്യം കുറഞ്ഞുപോകുന്നതും ആകുലതകൾക്ക് ആയുസ് ഏറിവരുന്നതുമെന്താണ്........
ഉപദേശങ്ങളോട് ഇത്രയും ആവേശമെന്താണ്....
പ്രാർത്ഥനകളോട് ഇത്രയും പ്രണയമെന്താണ്....
കുരുത്തക്കേടുകളിൽ കണ്ണുരുട്ടിയും കുസൃതികളിൽ കണ്ണടച്ചും തെറ്റുകൾക്ക് അളവില്ലാതെ ശിക്ഷിച്ചും
തിരുത്തിയും കരുതിയും വളർത്തി വലുതാക്കിയ,
പറഞ്ഞാൽ കേൾക്കാത്തവർ തിരിഞ്ഞു നോക്കുമ്പോൾ എന്തൊക്കെയോ ശരികളുണ്ടായിരുന്നു.
അനുഭവങ്ങളിലെ ആശങ്കയുണ്ടായിരുന്നു.
രണ്ടറ്റങ്ങൾ കൂട്ടിമുട്ടിക്കുന്നതിനിടയിലെ നിസഹായതയുണ്ടായിരുന്നു.
എല്ലാത്തിനുമൊടുവിൽ
ഞാനെന്തെങ്കിലുമായത്,
നമ്മളെന്തെങ്കിലുമായത്,
നാളെയെന്തെങ്കിലുമാകുന്നത്
ഒരാളുകാരണമാണ്
അമ്മ.......
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ