സ്ത്രീ

മാതൃത്വം - അത് സ്ത്രീയുടെ പവിത്രനിയോഗം.

ഹവ്വ -മാതൃത്വത്തിൻ്റെ ആദ്യനാമം,

അനുസരണമെന്ന

ഒറ്റവാക്കിൽ ഇടറിപ്പോയവൾ,

വീണുപോയ മാതൃഭാവങ്ങൾക്കു കൂട്ടുപോകുന്നവൾ,

നൊന്തുപ്രസവിക്കാൻ വരം നേടിയവൾ,

അലച്ചിലിൻ്റെ ആദ്യ പോരാളി.

മറിയം -ഹവ്വയുടെ ഇടർച്ചയെ

ആയുസുകൊണ്ട് മറികടന്നവൾ, 

മാതൃത്വത്തിൻ്റെ മഹത്വം പറഞ്ഞവൾ,

അനുസരണത്തിൻ്റെ ആഴം ജീവിച്ചവൾ,

വീണുപോയ മാതൃഭാവങ്ങൾക്ക്

കൂട്ടുപോകുന്നവൾ,

പേറ്റുനോവിനേക്കാൾ

ഹൃദയം മുറിയുന്ന വേദനയ്ക്ക്

വരം നേടിയവൾ,

അലച്ചിലിൻ്റെ സുവിശേഷമായവൾ.